कर्णाली सरकार भ्रष्टचार र कमिसनतन्त्रमा उदृत भयो : नेता कँडेल

खबरदृष्टि सम्वाददाता १४ माघ २०८०, आईतवार १५:१७

सुर्खेत । नेकपा एमाले कर्णाली प्रदेश संसदीय दलका नेता यामलाल कँडेलले कर्णाली प्रदेश सरकार भ्रष्टचार र कमिसनतन्त्रमा उदृत भएको आरोप लगाएका छन् । आइतवार पत्रकार सम्मेलनमार्फत नेता कँडेलले प्रदेश सरकार योजना निर्माणमा अपारदर्शिता, भ्रस्ट्राचार र कमिसनतन्त्रमा उद्दत भएको बताएका हुन् ।

‘वास्तवमा यस्तो परिस्थितिको निर्माण हुनु आफैमा दुःखद छ र अझैपनि सरकारको नेतृत्व सुधार गर्नेभन्दा थप गलत कार्यहरुलाई प्रश्रय दिनमा बढी अग्रसर देखिन्छ’, उनले भने । ‘योजना निर्माणमा अपारदर्शिता व्याप्त छ, भ्रष्टाचार, कमिसनतन्त्रको जालो चिर्नभन्दा थप मजबुत गर्नेमा सरकार उदृत छ ।’

उनले प्रदेश सरकारको एक वर्षे अवधि उपलब्धीमुलक नभएको बताए । नेता कँडलले एक वर्षको अवधीमा सरकारको कार्य प्रगति न्यून र निराशाजनक भएकाे तर बेरुजु भने उच्च रहेको बताए । नेता कँडेलले प्रदेश सरकारको गलत कामकारवाहीका कारण जनप्रतिनिधि र व्यबस्थाप्रति नै जनताले प्रश्न उठाउने स्थिति पैदा भएको आरोप लगाए ।

सरकारले नेतृत्व गरेको पार्टीका तर्फबाट डोल्पाको मुड्केचुला गाउँपालिकामा रगतको औंठा छाप लगाएर काम गरिएको आरोप लगाए । ‘त्यहाँ, योजनामा बस्ने भए पार्टीमा आउ’ भनेर काम भएका छन्, नेता कँडेलले भने । डोल्पामा कोटेसन हावी भएको उनले अर्को आरोप लगाए । ‘नीति छलेर काम कारवाही भएका छन् ।’ नेता कँडेलले भने, ‘मूल्य तिरेका योजना छन् । एक दुई जना त आईसके । हामीले यति रुपैँया तिरेका छौं भनेर । अझ कति आउने हुन् ।’

प्रतिपक्ष दल रचनात्मक ढंगबाट प्रस्तुत भएपनि एकातिर सहमति गरेर अर्को बाटो हिड्ने प्रवृति विकराल बनेको नेता कँडेलले बताए ।

Next Post

त्रिभुवन जनता माविमा अनिश्चितकालिन तालाबन्दी

१४ माघ २०८०, आईतवार १५:१७
सुर्खेत । रुकुम पश्चिमको मुसिकोट नगरपालिका–१, खलंगामा रहेको त्रिभुवन जनता माध्यमिक विद्यालयमा अनिश्चितकालिन तालाबन्दी गरिएको छ । विद्यालयमा कार्यरत ६ जना कर्मचारीहरु पदमुक्त गरिएको भन्दै पीडित कर्मचारीहरुले अल्टिमेटमसहित विद्यालयमा तालाबन्दी गरेका हुन् । जिल्लाको सबैभन्दा जेठो विद्यालयका रुपमा चिनिने यस विद्यालयमा गत वर्षदेखि विद्यालय प्रशासन, व्यवस्थापन समिति र कर्मचारीहरुबिच भएको […]
February 2024
M T W T F S S
 1234
567891011
12131415161718
19202122232425
26272829