सुर्खेत । कर्णाली प्रदेश प्रमुख तिलक परियारले ७४ औं राष्ट्रिय प्रजातन्त्र दिवसको शुभकामना व्यक्त गरेका छन् । सोमबार एक शुभकामना सन्देश जारी गर्दै ७४ औं राष्ट्रिय प्रजातन्त्र दिवसको अवसरमा कर्णालीवासी लगायत स्वदेश तथा विदेशमा रहनुभएका सम्पुर्ण नेपाली दिदिबहिनी तथा दाजुभाईहरुमा शुभकामना व्यक्त गरेका हुन् ।
उनले समृद्ध नेपाल बनाउन सबै एकैढिक्का भएर लाग्न आवश्यक रहेको समेत बताएका छन् ।‘मुलुकमा स्थापना भएको संघीय लोकतान्त्रिक गणतन्त्र, धर्मनिरेपक्षता, संघियता, समानुपातिक–समावेशीता र गणतन्त्रको रक्षा र सुदृढ गर्न सुशासन, सामाजिक न्याय र समृद्ध नेपाल निर्माण गर्न सबैपक्ष एकैढिक्का भएर निस्वार्थ भावले योगदान गर्न आवश्यक छ । प्रजातन्त्र दिवसले सबैलाई प्रेरित गर्नेछ भन्ने विश्वास लिएको छु ।’ शुभकामना सन्देशमा भनिएको छ ।
उनले भनेका छन्, ‘प्रजातान्त्रिक मुल्य मान्यतालाई जिवन पद्धति बनाएर देशमा विद्यमान वर्ग,जाति, जनजाति, महिला, दलित, मधेशी, उत्पीडित, उपेक्षित क्षेत्रलाई न्याय समानता, निश्पक्षता, नेपालको सार्वभौमसत्ता, अखण्डता, राष्ट्रिय हित स्वाभिमान र लोकतन्त्रको रक्षार्थ भएका विभिन्न आन्दोलनहरुमा योगदान गर्नुहुने सबैप्रति सम्मान प्रकट गर्दै प्रजातन्त्र दिवसले दिगो शान्ति, सुशाासन, विकास र समृद्धि गर्न सबैमा उत्साह प्रदान गर्न सकोस् कामना गर्दछु ।’
