हुम्ला । बाख्रा चराउन गएको बेला माथिबाट खसेको ढुंगाले लाग्दा १० वर्षीय बालकको मृत्यु भएको छ । मध्ये क्षेत्रको सर्केगाड गाउँपालिका वडा ८ राहदेव गाउँका भुपेन्द्र रोकायाको ढुंगाले लागेको मृत्यु भएको हो ।
रोकाया शुक्रबार बाख्रा चराउन तल्लो सताङ्ग जंगलमा गएका थिए । जंगलमा माथिबाट एक्कासी ढुंगा खसेर लागेपछि घटना स्थलमै मृत्यु भएको जिल्ला प्रहरी कार्यालय हुम्लाले जनाएको छ । प्रहरीका अनुसार करिब चार बजेतिर ढुंगा लागेर मृत्यु भएको हो ।
बाख्रा चराउन सोही गाउँका ११ वर्षीय अनिल एडि पनि गएका थिए । एडिको ढुंगाले लागेर दाहिने हात भाँचिएको छ । उनको राहदेव स्वास्थ्य चौकीमा उपचार भइरहेको जिल्ला प्रहरी नायव उपरीक्षक भिमलाल भट्टराईले जानकारी दिए ।
प्रकाशित मिति : २०८० जेठ २६ गते शुक्रबार
