काठमाडौं । गायक एसडी योगी र गायिका रेश्मा पुनको स्वरमा नयाँ गीत ‘पिङ्की पियारी’ भिडिओसहित सार्वजनिक भएको छ । विनोद घर्ती मगरले निर्माण गरेको यस गीतको शब्द राम अविरल बिस्टले लेखेका हुन् भने सङ्गीत एसडी योगी स्वयंको छ ।
भिडिओमा अलिसा शर्मा र अस्मिक लम्सालले अभिनय गरेका छन् । भिडिओमा एक युवकले डान्स क्लबबाट नृत्याङ्गनालाई लिएर भाग्दै गरेको कथा देखाइएको छ । भिडिओको निर्देशन शान थापाले गरेका छन् । जसमा राजीव सुनारले कोरियोग्राफी गरेका छन् भने, सहायक कोरियोग्राफर रोशन विश्वकर्मा हुन् ।
भिडिओको सम्पादन विवेक सुनार, छायाङ्कन अजय रेग्मी र रङ्ग संयोजन सुप्रिम पराजुलीले गरेका छन् । निर्माण पक्षले गीत सार्वजनिक भएसँगै दर्शकका लागि उपहार योजना पनि घोषणा गरेको छ । निर्माता विनोद घर्ती मगरका अनुसार, टिकटक, इन्स्टाग्राम र फेसबुक रिल्सहरूमा यस गीतको भिडिओ बनाएर सर्वाधिक भ्युज पाउने क्रिएटरलाई एक स्मार्टफोन उपहार दिइनेछ । कात्तिक २५ गते उपहार प्रदान गरिने बताइएको छ ।
भिडिओ हेर्नुहोस्
