बैंकिङ क्षेत्रमा केही सुधारकाे संकेत देखिएको छ। तरलताकाे अभाव झेल्दै आएका वाणिज्य बैंकहरूले फागुन महिनामा करीब २२ अर्ब रूपैयाँ निक्षेप थपेका छन् । कर्जा प्रवाह भने निक्षेपको तुलनामा ५ अर्बले घटेको छ । याे अवधिमा १७ अर्व कर्जा प्रवाह भएको छ।
बैंकर्स संघले उपलब्ध गराएको तथ्यांकअनुसार फागुन महिनामा २१ अर्ब ६६ करोड रूपैयाँ निक्षेप संकलन भएको छ । फागुन महिनामा सबैभन्दा बढी निक्षेप संकलन गर्नेमा माछापुच्छ्रे बैंक रहेको छ । यो बैंकले एक महिनामा ४ अर्ब ८१ करोड रूपैयाँ निक्षेप संकलन गरेको छ।
चालू आर्थिक वर्षको फागुनसम्ममा बैंकहरूको निक्षेप संकलन १ खर्ब ३१ अर्ब रूपैयाँ हुन पुगेको छ । यो अवधिसम्ममा सबैभन्दा बढी निक्षेप संकलन नबिल बैंकले २१ अर्ब ६७ करोड रूपैयाँ गरेको छ ।
फागुनकाे महिनामा सबैभन्दा बढी कर्जा विस्तार गर्नेमा राष्ट्रिय वाणिज्य बैंक रहेको छ। बैंकले ७ अर्ब ७ करोड रूपैयाँ कर्जा प्रदान गरेको छ। याे महिनामा संकलन गरेको निक्षेप भने ३ अर्ब ३ करोड रूपैयाँ मात्रै छ ।
