जाजरकोट । नेकपा एमाले जाजरकोटको अध्यक्षमा नरेन्द्रकुमार शाही निर्वाचित भएका छन् । मंगलवार मध्यराति सम्पन्न मतगणनाअनुसार प्रतिद्वन्द्वी खिमबहादुर शाहीलाई ८ मतले पराजित गर्दै नरेन्द्र अध्यक्षमा निर्वाचित भएका हुन् ।
खसेको कुल ३९७ मतमध्ये नरेन्द्रले १९४ मत पाएभने खिमबहादुरले १८६ मत प्राप्त गरेका थिए । यस्तै उपाध्यक्षमा विश्वविक्रम शाह विजयी भएका छन् । शाहले १८२ मत प्राप्त गरेका थिए भने उनका प्रतिस्पर्धी मोतिलाल वलीले १७५ मत प्राप्त गरेका थिए ।
सचिवमा गोपाल बहादुर नेपाली निर्वाचित भएका छन् । उनका प्रतिस्पर्धी नरबहादुर बस्नेत (एन.बी) लाई १७ मत अन्तरले पछि पार्दै १८८ मत प्राप्त गरी नेपाली विजयी भएका हुन् । बस्नेतले १७१ मत प्राप्त गरेका थिए । यस्तै, उप-सचिवमा तप्तबहादुर हमाल विजयी भएका छन् उनका प्रतिस्पर्धी भक्तबहादुर बस्नेतलाई पछि पार्दै हमाल विजयी भएका हुन् ।
हमालले १८१ मत प्राप्त गरेका थिएन भने बस्नेतले १५७ मत प्राप्त गरेका छन् । महिला उपसचिवमा सुनिता बोहरा विजयी भएकी छन् । उनका प्रतिस्पर्धी हरिकला जैसीलाई पराजित गर्दै बोहरा निर्वाचित भएकी हुन् । बोहराले १९३ मत प्राप्त गरेकी थिईन् भने जैसीले १५१ मत प्राप्त गरेकी थिईन् ।
