काठमाडौं । सरकारको ढिलो निर्णयले आज दिनभर सस्तो सस्तो सास्ती उत्पन्न गर्यो। पूर्वसभामुख स्व. दमननाथ ढुंगानाको निधनमा आज सार्वजनिक बिदा दिइएको भए पनि निर्णयको समय तालिका विवादित बनेको छ। हिजो (आइतबार) नै ढुंगानाको निधन भएको भए पनि सरकारको मन्त्रिपरिषद् बैठकले मात्र आज (साेमवार) बिहान ९ बजेपछि सार्वजनिक बिदा दिने निर्णय गरेको हो।
यस ढिलाइको कारण, सरकारी कार्यालय जाने कर्मचारीहरू बीचबाटोबाट फर्किन बाध्य भए भने केहीले कार्यालय पुगेर फर्किनु पर्यो। नागरिकता र राहदानी बनाउन जिल्ला प्रशासन कर्यालय जानेहरू पनि बिदाको सूचना पाएपछि फर्किए । सरकारी र निजी विद्यालयका विद्यार्थीहरू पनि बिहान कक्षामा पुगेका थिए, तर ९ बजेपछि सरकारी बिदा घोषणासँगै उनीहरू फर्किएका थिए। निजी विद्यालय संघ नेपाल (प्याब्सन) का महासचिव आरबी कटवालका अनुसार ढिलो निर्णय भएका कारण निजी विद्यालयमा बिहान ९ बजेसम्म पढाइ भयो।
‘त्यसपछि बल्ल सरकारले सार्वजनिक बिदा दिएकाे भन्ने खबर सुनियो र १० बजेपछिको विद्यालयको पठनपाठन चाही बन्द गर्याैँ,’उनले भने। सरकारको यो ढिलो निर्णयको व्यापक आलोचना भइरहेको छ। शिक्षाविद् डा। मीनबहादुर शाहीले भने, ‘आज लाखौं विद्यार्थी बीचबाट फर्किए, के दमननाथ ढुंगानाको सम्मान यसरी जनाउनुपर्छ ?’ उनले थपे, ‘यो अनुत्पादक निर्णय हो, जसले नागरिकलाई सास्ती मात्र दिएको छ।’
सरकारको यस प्रकारको ढिलाइ निर्णयले विद्यार्थी, शिक्षक र सरकारी कर्मचारीका लागि असुविधा उत्पन्न गरेको छ र त्यसको असर दैनिकीमा परेको छ।
