सुर्खेत । सुर्खेतको सिम्ता गाउँपालिकामा मोटरसाइकल दुर्घटना हुँदा दुई जना घाइते भएका छन् । घाइते हुनेहरुमा सल्यान वनगाड कुपिन्डे नगरपालिका–६ बस्ने वर्ष ३२ का कृष्ण बिक र वर्ष २४ का राम बहादुर विक रहेका छन् ।
बिहीवार सल्ली बजारबाट कालीखोलातर्फ जाँदै गरेको भे ८ प १६०३ नम्बरको मोटरसाइकल सिम्ता गाउँपालिका–६ स्थित जामुने बजारमा आफै अनियन्त्रित भएर दुर्घटनामा परेको जिल्ला प्रहरी कार्यालय सुर्खेतले जनाएको छ ।
घाइते दुवै जनाको अवस्था मध्यम रहेको र उनीहरुलाई उपचारको लागि नेपालगञ्जतर्फ पठाएको जिल्ला प्रहरी कार्यालय सुर्खेेतका प्रहरी उपरीक्षक (एसपी) रुपेश खड्काले खबरदृष्टिलाई जानकारी दिए । घटनाको थप अनुसन्धान भइरहेको प्रहरीले जनाएको छ ।
