सुर्खेत । देशभर अत्यधिक गर्मी बढेसँगै धमाधम विद्यालयहरुमा बिदा दिन थालिएको छ । बुधवार अत्यधिक गर्मी बढेपछि सुर्खेतको वीरेन्द्रनगरमा रहेका निजी विद्यालयहरू एक साताका लागि बन्द भएका थिए ।
सोही अनुरुप शुक्रबारदेखि सामुदायिक विद्यालयहरू पनि असार १ गतेसम्म बन्द हुने भएका छन् । वीरेन्द्रनगर नगरपालिकाले शुक्रबार पत्राचार गर्दै असार १ गतेसम्मका लागि विद्यालय बन्द गर्न निर्देशन दिएको छ ।
अत्यधिक गर्मीका कारण बालबालिकाको स्वास्थ्यमा समस्या सिर्जना हुनसक्ने प्रतिकुलतालाई मध्यनजर गर्दै विद्यालय बन्द गर्न निर्देशन दिइएको हो ।
