डोल्पा
महिला उद्यमी महासंघ नेपाल डोल्पा शाखाको नयाँ जिल्ला कार्यसमिति चयन गरिएको छ। मंगलबार सदरमुकाम दुनै बजारमा आयोजित विशेष कार्यक्रममा केन्द्रीय अध्यक्ष शोभा ज्ञवाली र उपाध्यक्ष बसन्ती प्रधानको उपस्थितिमा ११ सदस्यीय नयाँ कार्यसमिति चयन गरिएको हो।
नयाँ कार्यसमितिमा मन कुमारी बोहरा अध्यक्षमा चयन भएकी छन्। उपाध्यक्षमा पुर्णिमा बुढा, महासचिवमा कमला बुढा, सचिवमा जय बोहोरा, कोषाध्यक्षमा सिद्धकुमारी सार्की रहेकी छन्। यस्तै, सदस्यहरूमा करुणा हमाल, नौरती बोहोरा, बिष्णु शाही, लक्ष्मी बोहोरा, नन्दा विश्वकर्मा र राधिका बुढा रहेकी छन्।
कार्यक्रममा नवगठित कार्यसमितिका पदाधिकारीहरूले केन्द्रीय अध्यक्ष ज्ञवाली समक्ष पद तथा गोपनीयताको शपथ ग्रहण गरेका थिए। केही वर्षअघि तदर्थ समितिका रूपमा गठन गरिएको डोल्पा शाखालाई केन्द्रीय टोलीले स्थानीय तहमै पुगेर औपचारिक रूपमा पुनः घोषणा गरेको हो।
