नेपालमा आईतबार बिहान ठूलो विमान दुर्घटना भएको छ। त्रिभुवन अन्तर्राष्ट्रिय विमानस्थलबाट बिहान १०ः३५ बजे उडेको यतीको नाइनएन(एएनसी जहाज आइतबार पोखरामा दुर्घटनामा पर्यो । पोखरा विमानस्थलमा अवतरण गर्ने क्रममा रहेको उक्त जहाज दुर्घटना भएको हो।
विमानमा ४ सदस्यीय चालक दलसहित ७२ जना सवार थिए । नेपालमा आन्तरिक उडानतर्फ सबैभन्दा धेरै मानवीय क्षतिको रेकर्ड यो दुर्घटनाले राखेको छ।
दुर्घटनामा परी मृत्यु भएका ६८ जनाको शव पश्चिमाञ्चल क्षेत्रीय अस्पताल पोखरामा परीक्षणका लागि लगिएको छ । कुल ७२ बेपत्तामध्ये चार जनाको शव अहिलेसम्म भेटिएको छैन। कास्की प्रहरीले हराएका ४ जनाको खोजी आईतबार रातिपनि जारी राखिने र राति नभेटिए सोमबार विहानैदेखि खोजी कार्य तीव्र पार्ने जनाएको छ।
यसअघि गएको जेठ १५ गते बेपत्ता भएको तारा एयरको जहाज जेठ १६ गते मुस्ताङको थासाङ गाउँपालिका( २ मा दुर्घटनाग्रस्त अवस्थामा भेटिएको थियो । उक्त दुर्घटनामा तीन सदस्यीय चालक दलसहित २२ जनाको निधन भएको थियो ।
नाइन एन(एईटी कलसाइनको जहाजमा २ विदेशी, ४ भारतीय र १३ नेपाली यात्रु सवार थिए । जहाजलाई क्याप्टेन प्रभाकरप्रसाद घिमिरेले उडाएका थिए । को(पाइलट उत्सव पोख्रेल र जहाज परिचारिका किस्मी थापा थिइन् ।
२०१८ मा अल्टिच्युड एयरको हेलिकप्टर नुवाकोटमा दुर्घटना भएको थियो । सो दुर्घटनामा ६ जनाको ज्यान गएको थियो ।
सन् २०१८ मा हुम्लाको सिमीकोटमा मकालु एयरको विमान दुर्घटना हुँदा दुईजनाको मृत्यु भएको थियो ।
सन् २०१९ मा ताप्लेजुङको फुङलिङ सिस्नेभीरमा एयर डाइनेस्टीको हेलिकोप्टर दुर्घटना हुँदा संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित सातजनाको ज्यान गएको थियो ।
सन २०१९ मै सोलुखुम्बुको लुक्ला विमानस्थलमा समिट एअरको एउटा विमान, धावनमार्गको छेउमा रहेका दुईवटा हेलिकप्टर एकापसमा ठोक्किँदा तीनजनाको मृत्यु भएको थियो ।
नेपाल नागरिक उड्डयन प्राधिकरणको तथ्यांकअनुसार नेपालमा ७६ वर्षमा ५६ वटा विमान दुर्घटना भएका छन् । दुर्घटनामा परी अहिलेसम्म ९ सयभन्दा बढीले ज्यान गुमाएका छन् ।
यसैबीच, आईतवार बिहान काठमाडौंबाट पोखराका लागि उडेको यती एअरलाइन्सको ९एन(एएनसी, एटीआर(७२ ५०० विमान दुर्घटना हुँदा ६९ जनाको मृत्यु भएको पुष्टि भएको र बाँकी तीनजनाको उद्दार भइरहेको यति एअरलाइन्सले विज्ञप्तिमार्फत जानकारी दिएको छ ।
विमानमा चालक दलका ४ जनासहित ७२ जना सवार थिए । जसमा ५३ जना नेपाली, ५ जना भारतीय, ४ जना रसियन, २ जना कोरियन, एकरएकजना अर्जेन्टिनी, अष्ट्रेलियन, आइरिस र फ्रान्सेली नागरिक रहेका एअरलाइन्सले जानकारी गराएको छ ।
यति एयरलाइन्सका आज हुने उडान सबै रद्द
आइतबार पोखरामा एटिआर जहाज दुर्घटनामा परेपछि यति एयरलाइन्सले आज (सोमबार) हुने भनिएका सबै उडान रद्द गरेको छ । आइतबार साँझ एक सूचना जारी गर्दै एयरलाइन्सले आज हुने सबै नियमित उडान रद्द गरेको जानकारी दिएको हो । आज आपतकालीन र उद्धारका उडान भने हुने एयरलाइन्सले जनाएको छ ।
पोखरामा भएको दुर्घटनामा परी अहिलेसम्म ६९ जनाको मृत्यु भएको पुष्टि भएको छ । जहाजमा ४ चालक दलका सदस्य र ६८ यात्रु सवार थिए । अहिले पनि घटनास्थलबाट शव निकाल्ने काम भइरहेको छ ।
आज शोक विदा
काठमाडौंबाट पोखरा जाँदै गरेको यति एयरलाइन्सको विमान दुर्घटनापछि सरकारले सोमबार मुलुकभर शोक विदा दिने निर्णय गरेको छ । सरकारले सोमबारका दिन अत्यावश्यक सेवा बाहेक नेपाल राज्यभर शोक विदा दिने घोषणा गरेको हो । गृह मन्त्रालयले मन्त्रिपरिषद्रुको निर्णय अनुसार राष्ट्रिय झण्डा आधा झुकाउने निर्णयसमेत गरेको जानकारी दिएको हो ।
सहसचिव तथा प्रवक्ता फणिन्द्रमणि पोखरेलले सरकारले घटनाप्रति दुःख व्यक्त गरेको बताएका छन् । आइतबार बिहान १०ः३२ बजे काठमाडौँबाट पोखराको लागि ६८ जना यात्रु र ४ जना चालक दलका सदस्य सहित उडेको यति एयरको एटीआर ७२ विमान अन्दाजी ११ः०० बजेको समयमा कास्की जिल्लाको पोखरा महानगरपालिका– १५ नयाँगाउँस्थित सेती नदीको खोचमा दुर्घटना भएको थियो । दुर्घटनामा १५ जना विदेसी नागरिक परेका छन् ।
आइतबार नै मन्त्रिपरिषद्को आकस्मिक बैठकले विमान दुर्घटनाको जाँचबुझका लागि आयोग बनाएको छ भने अन्तरिक उडान गर्ने सम्पूर्ण विमानको प्राविधिक परीक्षण अनिर्वाय गर्न निर्देशन दिएको छ । विगतमा पनि हरेक दुर्घटनापछि जाँचबुझ आयोग बन्ने गरेको छ, तर दुर्घटनाको क्रम रोकिएको छैन ।
