सुर्खेत । गीतकार एवम् सङ्गीतकार यज्ञ कुमार गिरीको तिज गीत मन मुटु खाने भो सार्वजनिक भएको छ । गत वर्ष ‘कर्मैले घुमायो’ बोलको गीतको अपार सफलता पछि यो वर्ष पनि हिन्दु नारीको महान् चाड तिजको अवसरमा हाम्रो गाउँ परिवेशमा नारीले भोग्नु परेको कथा व्यथालाई लक्षित गरी उक्त गीत तयार गरिएको गीतका सर्जक गिरीले जानकारी दिए ।
स्थानीय स्रोत साधनको प्रयोग गरी निर्माण गरिएको भिडियोको निर्देशन तथा सम्पादन खिम बहादुर बुढाले गरेका छन् । भिडियोमा ज्योति काफ्लेको अभिनय छ भने यामु मगरको नृत्य निर्देशन रहेको छ । छायाङ्कन भने सुवास सिंह ठकुरीले गरेका हुन ।
गीतका सर्जक गिरी आधुनिक गीतमा लामो समय सम्म काम गर्दै आएका छन् । उनले सङ्गीत गरेका थुप्रै गीतले अवार्ड समेत पाएका छन् । लोक कला संस्कृतिको संरक्षण गर्नु सबैको दायित्व भएको भन्दै सर्जक गिरीले गत वर्षदेखि निरन्तर तिज गीत बजारमा ल्याउन लागेको र आगामी दिनहरूमा यसलाई निरन्तरता दिने जनाएका छन् । उनले गत वर्ष नै ‘ए साइँली’ बोलको झ्याउरे गीत समेत बजारमा ल्याई सकेका छन् ।
भिडियो हेर्नुहोस् ।
