सुर्खेत । सल्यानमा चट्याङ लागेर एक बालिकाको मृत्यु भएको छ । अन्य दुई जना घाइते भएका छन् । मृत्यु हुनेमा कालिमाटी गाउँपालिका वडा नम्बर–६ जलजला धोवेनीमा बस्ने भूपेन्द्र घर्तीको १३ वर्षीया छोरी करिष्मा घर्तीको मृत्यु भएको हो ।
आइतबार दिउँसो करिब ३ः३० बजे असिना पानीसँगै परेको चट्याङ लागेर उनको मृत्यु भएको कालिमाटी गाउँपालिका वडा नम्बर ६ का वडाध्यक्ष टेकराज पुलामीले जानकारी दिए । उनकाअनुसार चट्याङ्ग लागेर सोही ठाउँका ६९ वर्षीय चन्द्र बहादुर घर्ती र ५० वर्षीय विष्णु खड्का घाइते भएका छन् ।
करिष्माको शव मेहेलकुना अस्पतालमा राखिएको र सोमबार पोष्टमार्टम गरी परिवारको जिम्मा लगाइने उनले बताए । घाइते दुवै जनाको मेहेलकुना अस्पतालमा उपचार भइरहेको छ । यस्तै स्थानीय विशाल जैसीका अनुसार चट्याङ्गले घरमा पालेको एउटा बोका समेत मारेको छ भने घरमा जडान गरिएको सोलार पातामा समेत क्षति पु¥याएको छ ।
