सुर्खेत । वीरेन्द्रनगरमा प्रहरीले लागुऔषधसहित एक जनालाई पक्राउ गरेको छ । लागू औषधको कारोवार भईरहेको भन्ने गोप्य सुचनाको आधारमा लागु औषध नियन्त्रण व्युरो शाखा सुर्खेत र जिल्ला प्रहरी कार्यालय सुर्खेतबाट खटिएको प्रहरी टोलीले वीरेन्द्रनगर नगरपालिका १० पदमपुरबाट बाँके नेपालगंज उपमहानगरपालिका १६ का १८ वर्षीय ईमरान साहलाई पक्राउ गरेको हो ।
पक्राउ परेका साहको साथबाट ५ सय ९० मिलिग्राम लागूऔषध ब्राउन सुगर जस्तो देखिने धुलो पदार्थ फेला पारेको जिल्ला प्रहरी कार्यालय सुर्खेतले जनाएको छ । साहलाई नियन्त्रणमा लिई थप अनुसन्धान भइरहेको छ ।
