सुर्खेत । नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को कार्यवाहक अध्यक्षमा सङ्गठनका केन्द्रीय उपाध्यक्ष नारायण घर्तीलाई जिम्मेवारी प्रदान गरिएको छ । शनिवार एक बिज्ञप्ती जारी गर्दै अध्यक्ष समिक बडाले उनलाई कार्यवहाक जिम्मेवारी दिएका हुन् ।
उनले आफू यही भाद्र १७ देखि २९ गते सम्म चिनियाँ कम्युनिष्ट पार्टीको निमन्त्रणामा चिन भ्रमणमा रहने भएकाले सङ्गठनको विधानको धारा ११ (२) को (ख) बमोजिम उनलाई जिम्मेवारी प्रदान गरीएको जानकारी दिए । उनले आफू स्वदेश नफर्किने बेला सम्म कार्यवाहक अध्यक्षको जिम्मेवारी समाल्न निर्देशन दिएको बताए । कार्यवाहक अध्यक्ष घर्ती कर्णाली प्रदेशको जाजरकोट जिल्ला निवासी हुन् ।
