देशभरका अस्पतालमा आज आकस्मिक बाहेकका सेवा बन्द

खबरदृष्टि सम्वाददाता ३१ भाद्र २०८०, आईतवार ०९:११

काठमाण्डौ । हेटौँडाको सञ्चो अस्पतालका डाक्टरमाथि भएको आक्रमणका दोषीलाई कारबाहीको माग गर्दै नेपाल चिकित्सक सङ्घले आज देशभरका अस्पताल र सरकारी स्वास्थ्य संस्थामा आकस्मिक बाहेकका सेवा बन्द गरेको छ ।

सरकारी स्वास्थ्य संस्था, अस्पताल, मेडिकल कलेज, निजी अस्पताल तथा क्लिनिकहरूमा आकस्मिक बाहेकका सबै सेवाहरू पूर्ण रूपमा बन्द गर्ने सङ्घले जनाएको छ । गएको २७ गते सञ्चो अस्पतालमा कार्यरत डा। विकास थापा र डा‍‍‍‍‍‍. प्रशान्त बिडारीमाथि कुटपिट भएको थियो ।

कुटपिट गर्नेलाई कानुनी दायरामा ल्याउन माग गर्दै सङ्घले घटना भएकै दिन सरकारलाई ७२ घण्टे अल्टिमेटम दिएको थियो । सङ्घले घटनामा संलग्न दोषीहरूको अविलम्ब छानबिन गरी फौजदारी अभियोग तथा स्वास्थ्यकर्मी तथा स्वास्थ्य संस्थाको सुरक्षासम्बन्धी पहिलो संशोधन ऐन २०७९ बमोजिम कानुनी कारबाहीको सुनिश्चितता हुनुपर्नेमा जोड दिएको छ ।

सङ्घले देशभरका स्वास्थ्य संस्थामा अनिवार्य रूपमा स्वास्थ्य संस्था सुरक्षा बलको व्यवस्था गरी भयरहित वातावरणमा स्वास्थ्य सेवा प्रवाह गर्ने व्यवस्था मिलाउन समेत माग गरेको छ । जिल्ला प्रहरी कार्यालय मकवानपुरले घटनामा संलग्न चार जनालाई पक्राउ गरेर अनुसन्धान शुरु गरिसकेको जनाएको छ ।

दोषी सबैलाई पक्राउ नगरिएको सङ्घले आरोप लगाएको छ । दोषीलाई कारबाही नगरे थप आन्दोलन गर्ने सङ्घका अध्यक्ष डाक्टर अनिल विक्रम कार्कीले बताए । देशभरका सबै सरकारी स्वास्थ्य संस्थामा आकस्मिक बाहेकका सेवा बन्द हुँदा बिरामी मर्कामा परेका छन्।

Next Post

हिमा नदीमाथिको पुल पहिरोले भत्काएपछि स्थानीयलाई सास्ती

३१ भाद्र २०८०, आईतवार ०९:११
सुर्खेत । जुम्लामा ट्रस पुल पहिराले भत्काएपछि स्थानीयलाई आवतजावतमा समस्या भएको छ । शुक्रबार वर्षासँगै आएको बाढीपहिरोले कनकासुन्दरी गाउँपालिका–१ बुम्रमाडीचौरको खारमा हिमा नदीमाथिको ट्रस पुल भत्काएपछि स्थानीयलाई समस्या भएको हो । बुम्र, धुनौली र सिप्टी गाउँका स्थानीय बासीलाई लेब्दी वनमा आवतजावत गर्नका लागि तीन वर्षअघि फोरएस जुम्लाले ट्रस पुल निर्माण […]
June 2024
M T W T F S S
 12
3456789
10111213141516
17181920212223
24252627282930