झापा । नेकपा एमालेका अध्यक्ष केपी शर्मा ओली सहभागी एक कार्यक्रममा ढुंगामुढा भएको छ । बुधबार झापामा ओली सहभागी कार्यक्रममा कालोझण्डा प्रदर्शन र ढुंगामुढा प्रहार भएको थियो ।
गृहमन्त्री नारायणकाजी श्रेष्ठले संसदमा अध्यक्ष ओली सहभागी कार्यक्रममा कोशी प्रदेशको नामको विरोध गर्ने समूहले ढुंगामुढा गरेको बताएका हुन् ।
प्रहरीले ढुंगामुढामा संलग्न एक जनालाई नियन्त्रणमा लिएको समेत गृहमन्त्री श्रेष्ठले बताए । यस्तै ढुंगामुढामा दुई जना प्रहरी घाइते भएको गृहमन्त्री श्रेष्ठले सदनलाई जानकारी गराए ।
