सुर्खेत । नेपाल प्रिमियर लिग (एनपीएल) खेल्न भारतीय चर्चित क्रीकेटर शिखर धवन नेपाल आइपुगेका छन् । कर्णाली याक्समा आबद्ध भएका धवन शुक्रबार साँझ काठमाडौं आइपुगेका हुन् ।
उनलाई स्वागत गर्न कर्णालीका अफिसियलहरु त्रिभुवन अन्तर्राष्ट्रिय विमानस्थल पुगेका थिए । शिखरले कर्णालीबाट कम्तीमा ४ खेल खेल्नेछन् । उनले एक खेलको ३० हजार डलर पाउनेछन् । शिखर एनपीएलमा अनुबन्ध हुने सबैभन्दा ठूलो नाम हो ।
