सुर्खेत २१ कार्तिक
नेपाल कम्युनिस्ट पार्टी (नेकपा) को शक्ति संघर्ष चरमोत्कर्षमा पुगेको छ। प्रधानमन्त्री केपी ओली तत्काल वैठक राख्न तैयार नभएपछि प्रचण्डले आफु निकटका ५ सचिवालय सदस्य राखेर वैठक सुरु गरेका छन् ।
सचिवालय बैठक पार्टी कार्यालय धुम्बाराहीमा सुरु भएको छ । कार्यकारी अध्यक्ष पुष्पकमल दाहाल ‘प्रचण्ड’ले शुक्रबार दिउँसो ३ बजेका लागि बोलाएको अनौचारिक सचिवालय बैठक धुम्बाराहीमा सुरु भएको हो ।
बैठकमा सचिवालयका पाँच नेता सहभागी भएका छन् भने चार नेता अनुपस्थित छन् । अध्यक्ष दाहालसँगै पार्टी उपाध्यक्ष बामदेव गौतम, वरिष्ठ नेता झलनाथ खनाल, माधवकुमार नेपाल र पार्टी प्रवक्ता नारायणकाजी श्रेष्ठ बैठकमा सहभागी छन् ।
प्रधानमन्त्री केपी शर्मा ओली, उप प्रधानमन्त्री ईश्वर पोखरेल, महासचिव विष्णु पौडेल र रामवहादुर थापा वैठकमा उपस्थित छैनन् ।
प्रकाशित मिति : २०७७ कात्तिक २१ गते शुक्रबार
