फागुन ३, सुर्खेत
नयाँ जमाना, नयाँ पुस्ता अनि नयाँ विचारवाट निर्देशित नेपाली समाजमा पुराना पुस्ताका राजनीतिज्ञहरुले समेत अझै वर्चस्व कायम राखेका छन् ।
पुराना पुस्ताका नन्दवहादुर वुढाले भेरीगंगा नगरपालिका वडा नं २ मा २०४६ सालको परिवर्तन पछि समेत आफ्नो वर्चस्व कायमै राखेका छन् । २००८ सालमा जुम्ला जिल्लामा जन्मेका उनी २०३८ सालमा जुम्लावाट वसाई सराई गरि हालको भेरीगंगा नगरपालिकाको लेकपराजुल आएका थिए ।
हाल भेरीगंगा नगरपालिका वडा नं २ को वडा अध्यक्ष रहेका वुढा सोही वडाको नेपाली कांग्रेसका सभापति समेत हुन । २०४९ सालमा भएको स्थानीय तहको निर्वाचनमा उनी सुर्खेतको लेकपराजुल गाविसको उपाध्यक्ष पदमा निर्वाचित भएका थिए ।
२०५४ सालमा भएको स्थानीय तहको निर्वाचनमा भने उनी लेकपराजुल गाविसको अध्यक्ष पदमा पराजित वने । उनी जम्मा ३५ मतले अध्यक्ष पदमा पराजित भए । २०५६ सालदेखि २०७६ सालसम्म नेपाली कांग्रेसको गाउँ कार्यसमिति सभापति वनेका वुढा पार्टीको संघीय संरचना अनुसार पार्टी वडा समितिका सभापति रहेका छन् ।
आफु अब वुढो भैसकेकोले आगामी निर्वाचन लड्ने आफ्नो चाहना नभएको उनी वताउँछन। गएको निर्वाचनमा जनता समक्ष गरेको एउटा मुख्य वाचा पूरा गर्न नसकेकोमा उनी दुखी छन् ।
’अब कार्यकाल पनि सकिन लाग्यो । कोरोनाले सवै विकास वजेट खायो। आफ्नो कार्यकाल भित्र हर्रेदेखि मन्नमकाँडासम्म वाटो पु¥याउने लक्ष्य थियो, नसक्ने भए,’ उनले भारी मन वनाउँदै भने, ’ पूर्णबहादुर खड्काले चुनाव जितेको भए उनलाई भनेर जसरी पनि यो वाटो पूरा गर्न लगाउँथे ।’
उनी २०७४ साल जेठ ४ गते भएको स्थानीय निर्वाचनमा विजयी भएपछि केही उल्लेखनीय कामहरु भने गरेका छन् । आफ्नो कार्यकाल भित्र वडाका सवै नागरिकहरुलाई विद्युत सेवा पु¥याई छाड्ने उनले संकल्प लिएका छन् ।
उनको वडामा अहिले १५ करोडको वजेटमा विद्युतीकरण गर्ने योजना अनुसार काम भैरहेको छ । उनी भन्छन्,’ सामुदायिक विद्युत अन्तर्गत १० करोडको काम भैरहेको छ । यसले नपुगेर पुन ५ करोड थप गर्नेगरी सर्भेको काम भैरहेको छ ।’ उनलाई सवै वडावासीको घरमा विजुली वत्ती वलेको हेर्ने रहर छ ।
सडकको क्षेत्रमा समेत उक्त वडामा उल्लेखनीय प्रगति भएको देख्न सकिन्छ । उनी निर्वाचित हुँदा वडामा गाडी पुगेको थिएन । सुर्खेत कोहोलपुर पक्कीसडक वडाकै सिमानावाट भएर जाँदा पनि आफ्नो वडामा सडक नपुगेको देख्दा दिग्दारी लाग्ने गरेको अनुभव उनी सुनाउँछन ।
उनी निर्वाचित भएपछि पहिलो प्राथमिकता सडकलाई दिए । वडा कार्यालय भएको देवस्थललाई केन्द्र मानेर ट्रयाक खोल्ने काम सुरु गरे। हाल सत्तरी, मोहटी, चैते रातापानी हुँदै देवस्थल वडा कार्यालयसम्म ट्रयाक ओपन भै यातायात संचालन समेत भैसकेको उनी वताउँछन ।
यसैगरी सिस्नेरी, शनिमोर, आलडाँडा, देवस्थल कालपानी, सालडाँडा हुँदै चक्रपथको योजनामा आफु लागेको उनले वताए। सिस्नेरीलाई जिरो प्वाइन्ट मानेर सडक विस्तार भैरहेको र सिस्नेरीमै पक्कीपुल वनाउनेगरी सर्भेको काम सम्पन्न गरिएको उनले जानकारी दिए ।
यस्तै शाखा सडक अन्तर्गत सिस्नेरीवाट देवस्थल, वडा कार्यालयवाट चैते र वडा कार्यालयवाटै सातडाँडा भित्री खोलाको काम भैरहेको उनले जानकारी दिए ।
ट्रयाक ओपन गर्नै सवै वजेट लागेकाले ग्राभेल र सडकनालीको काम गर्न नसकिएको उनको भनाइ छ । आगामी आवमा ग्राभेल र केही नालाको काम समेत हुने उनी वताउँछन ।
संघीय खानेपानी आयोजना अन्तर्गत वडामा २ करोड ५० लाखको आलडाँडा खानेपानी र ७ करोड लागतको लेकपराजुल कालपानी खानेपानी आयोजना वनाउने गरि संझौता भईसकेको उनको भनाइ छ ।
अधिकांश नागरिकहरुको मुख्य पेशा कृषि भएपनि सिंचाईको सुविधा नभएकोले आकाशे पानीकै भरमा खेती गर्दा मेहनत अनुसार प्रतिफल पाउन नसकेकोमा उनी दुखेसो व्यक्त गर्छन् ।
खेतीपाती राम्रो नहुने भएकोले वडावासी रोजगारीका लागि भारत लगायतका देशमा जाने गरेको उनी वताउँछन ।
‘पशुपालन गर्याे आरक्ष नजिक भएकोले वाघले खसीबाख्रा मार्ने डर छ, कृषि गरौ वदेलले सवै वाली खाईदिन्छ,’ जनताको पीडा सम्झदै उनी भन्छन् ।
जम्मा ४ हजार ५ सय जति जनसंख्या, ९ सय ९९ घरधुरी र १ हजार ९ सय जति मतदाता भएको भेरीगंगा नगरपालिका वडा नं २ का वासिन्दाहरुको हितका लागि आफु पदमा भए या नभएपनि आफ्नो सामाजिक अभियान भने वाँच्दासम्म जारी राख्ने वुढाले प्रतिवद्दता जनाए ।
