सुर्खेत । सुर्खेतमा गौहत्याविरुद्धमा प्रदर्शन गरिएको छ । वैदिक सनातन धर्म सेवा समिति सुर्खेतको आयोजना र ॐ कार परिवार धार्मिक संघ संस्थाको समन्वयमा शनिवार उक्त विरोध प्रदर्शन गरिएको हो ।
प्रदशनकारीहरुले विभिन्न ब्यानरका साथ गौहत्या बन्द गर जस्ता नारा लगाउएर भजन कीर्तन गर्दै वीरेन्द्रनगर बजार परिक्रमा गरेका हुन् । राष्ट्रिय जनावरको साथै गाईको हत्या गर्नु अपराध मानिएको छ । गाईको संरक्षणका लागि उक्त प्रदर्शन गरिएको जनाइएको छ । नेपाल राष्ट्रिय जनावर र हिन्दु धर्मावलम्बीहरूले माताका रूपमा पुज्ने गाईको हत्या गरिएको विषयमा वीरेन्द्रनगरमा विरोध प्रदर्शन गरिएको हो ।
गाईको संरक्षणका साथै सनातन हिन्दु धर्मको रक्षाका लागि गरिएको उक्त प्रदर्शनमा सहभागी नागरिक अगुवा ललित भट्टराईले बताए । देशव्यापी रूपमा अहिले गौहत्याका विषयमा विरोध प्रदर्शन भइरहेका छन् । राष्ट्रिय जनावर तथा हिन्दुहरूको माता गाईलाई संरक्षण गर्न तथा गौ हत्या जस्तो आपराधिक कार्यलाई पूर्ण रूपमा बन्द गराउन दबाब दिने उद्देश्यले गौहत्याविरुद्धमा प्रदर्शन गरिएको आयोजकले जनाएको छ ।
