सुर्खेत । सिम्ता गाउँपालिका–३ र ४ लाई जोड्ने हुमखोला पुल र वडा ५ र ८ लाई जोड्ने ट्रस पुलको उद्घाटन गरिएको छ । शनिवार एक कार्यक्रमकाबीच गाउँपालिका अध्यक्ष ऐन बहादुर चन्दले पुलको उद्घाटन गरेका हुन् ।
उद्घाटन कार्यक्रम बोल्दै अध्यक्ष चन्दले पुलहरूको महत्वलाई औंल्याउँदै यसले स्थानीय बासिन्दाहरूको आवागमन र व्यापारिक गतिविधिमा सहजीकरण गर्ने विश्वास व्यक्त गरे । नयाँ पुलहरू खुल्दा स्थानीय विकास र समृद्धिमा सकारात्मक प्रभाव पर्ने उनले बताए ।
यस अवसरमा स्थानीय नागरिक र विभिन्न संघसंस्थाका प्रतिनिधिहरूको उपस्थिति रहेको थियो । पुलहरूको निर्माणले सिम्ता गाउँपालिकाका नागरिकहरूको जीवनस्तरमा सुधार ल्याउने आशा गरिएको छ ।
