काठमाडौं । गृहमन्त्री ओम प्रकाश अर्यालले सोमबार पदभार ग्रहण गरेका छन् । यसअघि राष्ट्रपति रामचन्द्र पौडेलले शीतल निवासमा आयोजित विशेष समारोहमा उनलाई पद तथा गोपनीयताको शपथ गराएका थिए । सिंहदरबारस्थित कार्यकक्षमा पदभार सम्हाल्दै गृहमन्त्री अर्यालले तीन महत्वपूर्ण निर्णय सार्वजनिक गरेका छन् ।
जेनजी प्रदर्शनका क्रममा ज्यान गुमाएका प्रदर्शनकारी र सुरक्षाकर्मीको सम्मानस्वरूप राष्ट्रिय शोक मनाइने, राष्ट्रिय झन्डा आधा झुकाइने तथा प्रत्येक मृतकका परिवारलाई काजकिरियाका लागि एक लाख रुपैयाँ सहयोग उपलब्ध गराइने उनले घोषणा गरे।
त्यसका साथै, मृतकहरूको शव व्यवस्थापनका लागि निःशुल्क सवारीसाधन उपलब्ध गराइने र दुर्गम क्षेत्रमा आवश्यक परे हेलिकप्टरको व्यवस्था गर्ने निर्णयसमेत उनले गरेका छन्।
