सुर्खेत । नेकपा एमाले वीरेन्द्रनगर नगरपालिका–१० वडा कमिटीको विस्तारित बैठक सम्पन्न भएको छ । बैठक नेकपा एमाले वडा कमिटी अध्यक्ष निरक ओलीको अध्यक्षतामा भएको हो। कार्यक्रममा नेकपा एमाले स्थायी कमिटी सदस्य एवम् कर्णाली प्रदेशका मुख्यमन्त्री यामलाल कँडेल प्रमुख आतिथ्यतामा उपस्थित रहेका थिए। बैठकलाई सम्बोधन गर्दै मुख्यमन्त्री कँडेलले मा जेन-जी पुस्ताहरु जनताको मन जितेर नभई आफ्नै उग्ररूपमा अगाडि बढेको बताए।
उनले आज सरकारी कार्यालयदेखि आफूहरु बस्ने निजी निवाससमेतलाई निसाना बनाएर ध्वस्त बनाएको बताए। उनले एमाले नै जनताको आशा र भरोसाको पार्टी भएको उल्लेख गर्दै पार्टी संगठनलाई अझ सशक्त बनाउन सबै तहका कार्यकर्ताहरू एकताबद्ध भएर लाग्नुपर्ने बताए। उनले भने, ‘हामीले संगठनलाई मजबुत पार्दै जनतासँगको सम्बन्धलाई अझ प्रगाढ बनाउनुपर्छ, तब मात्र कर्णालीको समृद्धि र विकास सम्भव हुन्छ।’
सो अवसरमा प्रदेश कमिटीका नेता अमृत कुमार विसी, पार्वती पाण्डेको चालिसे, लक्ष्मी शाहीलगायतका नेताहरू तथा जनप्रतिनिधिहरूको विशेष आतिथ्यता रहेको थियो। बैठकमा पार्टीको वर्तमान राजनीतिक अवस्था, संगठन सुदृढीकरण र आगामी योजनाबारे छलफल गरिएको आयोजकहरूले जनाएका छन्।
