राजनैतिक जीवनको मेरो कथा भाग १भन्ने स्टाटस लेख्दै सुर्खेतका सामाजिक अभियान्ता अनिल ढकालले समानुपातिकतर्फको एक भोट एमालेलाई गएकाे वताएका छन्। उनले २०७४ सालमा समानुपातिक तर्फको एक भोट ‘सुर्य’मा गएकाे प्रष्ट पारेका हुन्।
गत स्थानीय तहको निर्वाचनमा वीरेन्द्रनगरको उपमेयर पदमा स्वतन्त्र उम्मेदवारी दिएका ढकाल विवेकशील साझा पार्टीका नेता थिए। विवेकशील पार्टी विघटनतर्फ मोडिएपछि उक्त पार्टीमा निष्कृय रहेका उनी कोभिड १९ का समयमा विचल्लीमा परेका नागरिकहरुको उद्धारमा खटिएका थिए।
उनले शुक्रबार सामाजिक संजाल फेसबुकमा लेखेको स्टाटसमा आफ्नो व्यक्तिगत मुल्य–मान्यता प्रजातान्त्रिक रहेको प्रष्ट पारेका छन्। राजनैतिक हिसाबले २०७४ अघि नेपाली कांग्रेसलाई मात्र भोट दिएको र गगन थापाको परिभाषा सापट लिने हो भने बच्चा अवस्थादेखि नै भोट के मा ‘रुखमा’ ‘‘नेपाली कांग्रेस जिन्दावाद’ भनेर कलिलो मस्तिष्कमा छाप परेको ‘कालो कांग्रेस’ रहेको भन्दै आफैलाई ब्यङ्ग्य गरेका छन।
उनले २०७४ को आम निर्वाचनमा केपि ओलिले नेपालका बामपंथी पार्टीहरुलाई एक गर्दै। स्थायी सरकार बनाएर समृद्ध नेपालको सपना साकार पार्न हामी नेतृत्व गर्छौं भन्दै गर्दा देश बिकासको सपना देखेर खुशी हुने करोडौं नेपाली मध्य आफुपनि पनि भएको उल्लेख गरेका छन्। (सच्चाईएकाे)
