काठमाडौँ । प्रधानमन्त्री पुष्पकमल दाहाल प्रचण्डले आफ्नो चार दिने भारत भ्रमणबारेमा सोमबार बसेको प्रतिनिधिसभाको बैठकमा जवाफ दिइरहेका छन्। आफूले चार दिने मैत्रीपूर्ण भ्रमण सकेर फर्किएको बताउँदै आफ्नो भ्रमण सफल भएको पनि बताए।
उनले आफ्नो भ्रमण आगामी दिनमा द्विपक्षी विषयलाई बलियो बनाउने गरी भएको पनि उनले बताए। उनले एमाले सचिव योगेश भट्टराईले बोलिसकेपछि संसद्मा सम्बोधन गरिरहँदा सत्ता गठबन्धनका नेता शेरबहादुर देउवा र प्रमुख प्रतिपक्षी नेकपा एमालेका अध्यक्ष केपी शर्मा ओली अनुपस्थित थिए।
यी दुवैजना नेतालाई संसद्मा नदेखेपछि प्रचण्डले आफूलाई नमिठो लागेको बताए। प्रधानमन्त्रीले जरुरी सार्वजनिक महत्वको विषयमा जवाफ दिँदा दुवै पक्षका नेता उपस्थित हुनुपर्नेमा संसदमा नदेखेको भन्दै उनले आफूलाई नमिठो लागेको बताएका हुन्।
