सुर्खेत २० माघ
सरकारी गाडीको ठक्करबाट सुर्खेतको भेरीगंगामा एक बालक गम्भीर घाईते भएका छन् । मंगलबार नेपालगंजबाट सुर्खेत आउँदै गरेको शिक्षा विकास तथा समन्वय इकाई सुर्खेतको गाडीले भेरीगंगा नगरपालिका १० तालबारीमा पैदल यात्री ७ वर्षीय पवन पुनलाई ठक्कर दिएको थियो।
घाइते वालकको टाउकोमा चोट लागेका कारण बोल्न नसक्ने अवस्थामा पुगेको र उनलाई उपचारका लागि प्रदेश अस्पताल कालागाउँमा पु¥याइए पनि गम्भीर वन्दै गएपछि थप उपचारका लागि नेपालगंज रिफर गरिएको प्रहरीले जनाएको छ ।
सुर्खेत प्रहरीले बालकलाई ठक्कर दिने बा २ झ १९७३ नम्बरको सरकारी स्कारपियो गाडी र सवारी चालक वीरेन्द्रनगर नगरपालिका १२ एयरपोर्ट बस्ने ४४ वर्षीय कृष्णबहादुर रानामगरलाई नियन्त्रणमा लिएको छ ।
