सुर्खेत । सुर्खेतको सिम्ता गाउँपालिकामा करेन्ट लागेर एक जनाको मृत्यु भएको छ । सिम्ता गाउँपालिकाको वडां नम्बर–१ राम्री सामुदायिक वनमा बाख्रालाई घासँ काट्ने क्रममा करेन्ट लागेर जाजरकोटको छेडागाड नगरपालिका–१२ का ६३ वर्षीय बिरु शाहीको मृत्यु भएको हो ।
सोमवार साँझ बाख्रालाई घाँस काट्न कलमको रुखमा गएकोबेला उनको मृत्यु भएको सिम्ता गाउँपालिका–१ का वडाध्यक्ष यामराज शर्माले जानकारी दिए । वडाध्यक्ष शर्माकाअनुसार शाहीको शव हाल पोष्टमार्टमको लागि जिल्ला अस्पताल जाजरकोट लगिएको छ ।
मृतक शाही शिवालय गाउँपालिका–१ छेडाबजारमा आफ्नो छोराको पसलमा आएका थिए । सोही क्रममा छोराका बाख्रालाई घाँस काट्न गएको बेला उनको मृत्यु भएको बुझिएको छ ।
