सुर्खेत । लागूऔषध (ब्राउन सुगर) मुद्दाका एक जना फरार प्रतिवादीलाई जिल्ला प्रहरी कार्यालय सुर्खेतले पक्राउ गरेको छ । सुर्खेत जिल्ला अदालतबाट लागूऔषध मुद्धामा गत चैत २२ गते लगत नं ३६८४ बमोजिम ७ महिना ११ दिन कैद सजाय पाएका वीरेन्द्रनगर– ४ बस्ने वर्ष २९ का लक्ष्मण भनिने तारा बिकलाई प्रहरीले पक्राउ गरेको हो ।
उनलाई जिल्ला प्रहरी कार्यालय सुर्खेतबाट खटिएको ५ जनाको प्रहरीको टोलीले वीरेन्द्रनगर –४ सहिदपार्कबाट पक्राउ गरेको हो । पक्राउ परेका उनलाई जिल्ला प्रहरी कार्यालय सुर्खेतमा राखिएको छ ।
